በፊፋ የሃገራት የእግር ኳስ ደረጃ ኢትዮጵያ አራት ደረጃዎች ዝቅ አለች

በፊፋ ወርሀዊ የሃገራት የእግር ኳስ ደረጃ ኢትዮጵያ አራት ደረጃዎች ዝቅ ማለቷን የፊፋ ድረ ገጽ አስታወቀ። ብሄራዊ ቡድናችን በደቡብ አፍሪካው አፍሪካ ዋንጫ ተሳትፎው ያስመዘገበው ደካማ ውጤት ለደረጃው መውረድ የፊፋ ድረ ገጽ እንደምክንያትነት አቅርቧል።
በውድድሩ ላይ ካደረጋቸው ሶስት ጨዋታወች በሁለቱ ተሸንፎ፣ 7 ጎል ገብቶበት አንዱን አቻ ከወጣና 1 ጎል በውድድሩ ካገባ በኋላ የየካቲት ወር ደረጃው ቀድሞ ከነበረነት 110ኛ ወደ 114ኛ አሽቆልቁሏል።
በአፍሪካ ዋንጫው ሳትጠበቅ ለፍፃሜ የደረሰችው ቡርኪናፋሶ 37 ደረጃዎችን ስታሻሽል የአፍሪካ ሻምፒዮኗ ናይጄሪያ ባለፈው ወር ከነበረችበት 52ኛ ደረጃ ወደ 30 ተቀምጣለች።
የአፍሪካን ደረጃ የሚመሩት እንደየቅደም ተከተላቸው ከአለም 12 እና 19ኛ ደረጃ ላይ የሚገኙት ኮትዲቯርና ጋና መሆናቸውን ያስቀመጠው የፊፋ ሰንጠረዥ የፊፋን ወርሀዊ የደረጃ ሰንጠረዥ ስፔን ፣ ጀርመንና አርጀንቲና ከፊት ሲመሩ ፥ እንግሊዝም ሁለት ደረጃዎችን አሻሽላ 4ኛ መሆን ችላለች ፣ ፈረንሳይና ብራዚል አሁንም 17ኛ እና 18ኛ ደረጃ ላይ ይገኛሉ።
ሙሉ ሰንጠረዡ ይኸው እንድወረደ፡