በዛሬው እለት ወገራ ላይ ውጊያ አለ

ከሙሉነህ ዮሐንስ

(ሰኔ 22 2009)  ትናንት በላክነው ማስጠንቀቂያ ወያኔ ወደ ሰሜን ጎንደር የተለያዩ ቦታወች ሰራዊት እየላከ ስለመሆኑ ገልፀን ጥንቃቄ እንዲደረግ አሳስበን ነበር። ሰላማዊ ህዝቡን ማሸበር የያዘው ወያኔ የገበሬውን መሳሪያ ነጠቃ ሙከራ ያደርጋል። በዚህ የተበሳጩት ገበሬወች የወያኔን አገልጋይ ሰራዊት ገጥመዋል። ከገበሬወቹ መካከል ዋስትና እንሰጣቹሃለን ምህረት ግቡና በሰላም ኑሩ ብለው ለመሸምገል የሞከሯቸውን ሁሉ የጥቃቱ ኢላማ አድርገው ነበር።

ይህን ጥቃት የመከቱት ገበሬወች ወደ በርሃ ወርደዋል። አስደንጋጭ ምት የደረሰበት የወያኔ ሰራዊት እየተተራመሰ ሲሆን አሁንም ቢሆን ህዝቡ እራሱን በንቃት መጠበቅ አለበት። የግጥሚያውን ልዩ ቦታና የጎበዝ አለቆቹን ስም ከመጥቀስ ተቆጥበናል። በዚህ ግንባር ከተሳተፉት የጎበዝ አለቆች መካከል ባለፈው አመት አምባጊዮርጊስ ላይ ወያኔ በህዝቡ ላይ የፈፀመውን የጅምላ ጭፍጨፋ አፀፋ በመመለስ እጅግ ስመጥር የሆነ ጀግና ይገኝበታል።

ይህ በ እንዲህ እንዳለ ትናንት የሚከተለው መልዕክት ተላልፎ ነበር::

በሰሜን ጎንደር አንባ ጊወርጊስ አካባቢ፣ ወደ ቆላ ወገራ እና እንቃሽ ውስጥ ድረስ ለሚንቀሳቀሱ የጎበዝ አለቆች ሙሉ መረጃ ለመሰብሰብ እና የማያዳግም እርምጃ ለመውሰድ ያስችለኛል በማለት ወያኔ በከፍተኛ ሁኔታ አስቦና ወጥኖ ይበጀኛል ያለውን ዘዴ እየሞከረ ነው።