ጠላት ይመጣል ። እኛም ቦታ ይዘን እንጠብቃለን ከመከላከል ወደማጥቃት ስንሄድ አፈግፍጉ የሚል ድምፅ እንሰማለን ። ወደኋላ አፈግፍጉ ።

በጦርነቱ መካከል የወገን ጦር ነው የተባለው ኃይል ከኃላ ወግቶናል ።

በ4 ግምባሮች ተሰልፌያለው ። በሁሉም ቦታ ይህ ነው የሚባል ጦርነት አልተካሄደም ። በቃ አፈግፍጉ በሚባል ሠዓት መከላከያ ሰራዊቱ ትጥቁን ጭምር ለወያኔ ጥሎ ነው የሚያፈገፍገው ።

ከዛም . ከ2 መቶ የማይበልጡ የወያኔ ሚልሻዎች አቋርጠው ሌላ ከተማና ወረዳ ያዝን ብለው የጥይት ድምፅ ሲያሰሙ አስቀድሞ የሚፈረጥጠው አመራሩ ነው ። የአማራ ክልል አመራሮች ከፍተኛ የሆነ ድክመት አለባቸው ። አገር በውሸት አትመራም ።

ለምን እንወሻሻለን ? የወሎ አማራ ተሽጧል ።

ከፍተኛ ለወታደራዊ ስልጠና የተዘጋጁና ያልሰለጠኑም ወጣቶች ህይወታቸውን ለመስጠት ቆራጥ ነበሩ ። ግን ምን ያደርጋል ፡ አስታጥቁን ሲሉ ለናንተ መሳሪያ አንሰጥም ። ችግር ልትፈጥሩብን ትችላላችሁ ነው የተባሉት ።

ክተት ብሎ አውጆ ግምባር ላይ የስንቅና ትጥቅ አቅርቦት ሳይኖር ፡ ክተት ብቻ ምንም ቁም ነገር የለውም ።

የወልድያ ወጣቶች ቆራጦች ናቸው ።መሳሪያ መንግስት አስታጥቋቸው እንዳይመስልህ ። በጥልቆም ፡ በገጀራም በተገኜው ነው እየተዋደቁ ያሉት ።

ዋና ችግሩ የአመራሩና የመከላከያ ነው።

አርቲስት ዱባለ መላክ