በኦሮሚያ ክልላዊ መንግስት በነቀምት ሆስፒታል በቅርቡ 10 እናቶች በወሊድ ምክንያት መሞታቸውን እና ፤ አንድ ሊትር ደም እስከ ሶስት ሺህ ብር መሸጡም ተጠቁሟል፡፡ በሆስፒታሉ ችግሩ እየከፋ በመሄዱ ወላድ እናቶች እና ታካሚዎች ተገቢውን የህክምና አገልግሎት ባለማግኘታቸው በዚሁ ሆስፒታል 10 እናቶች ህይወታቸው ማለፉ ተጠቁሟል፡፡
የኦሮሚያ ክልላዊ መንግስትም ጉዳዩን አውቆት በስብሰባ መድረክ ያነሳው ቢሆንም እስካሁን የተወሰደ እርምጃ ባለመኖሩ የሆስፒታሉ ተገልጋዮች ቅሬታ እንዳደረባቸው ኢቲዮ ምህዳር ጋዜጣ በዛሬው ዘገባ አስታውቋል፡፡ የፌደራል ጤና ጥበቃ ሚኒስቴር አንድም እናት በወሊድ ምክንያት አትሞትም እያለ መፈክር ቢያስነግርም በተግባር ግን የነፍሰጡር እናቶች ህልፈት እየተባባሰ እንደሚገኝ መረጃዎች ጠቁማሉ፡፡
