ብልጽግና ታሟል …ጄኔራል ባጫ ደበሌ እና ጄኔራል ሃሰን ኢብራሂም ከአዋጊ ወደ አምባሳደርነት

ከ2ሳምንት በፊት ሙሉ የጄኔራልነት ማዕረግ የተሰጣቸውን ጄኔራል ባጫ ደበሌ እና ጄኔራል ሃሰን ኢብራሂም ከአዋጊ ወደ አምባሳደርነት እንዴው በምን መስፈርትና ሳይንስ ነው 360 ድግሪ የተከረበተው??

አንዲት ሀገር እኮ አንድ የጦር ጀነራል ለማፍራት እና ጀኔራል ለማድረስ እስከ 40 አመት ኢንቨስት ማድረግ አለባት ብለው በአንደበታቸው ከነገሩን 2 ሳምንት እንኳን አልሞላውም….።

አምባሳደር ለመሆን ደግሞ ዓለማቀፋዊ የዲፕሎማሲና የፖለቲካ እውቀትና ክህሎትን ይጠይቃል…።

እንዴት ትናንት የሙሉ ጀነራልነት ማዕረግ ሹሞ በሥራ ላይ ያሉ የጦር ጀነራሎችን ዛሬ ከካበተ ሙያና ሥራቸው ገሸሽ ተደርጎ ምንም እውቀትም ሆነ ልምድ ወደሌላቸው አምባሳደርነት ይሾማሉ

ያሳዝናል ወያኔ/ኢህአዴግ የሚባል መርገምት ሥልጣን ላይ ከተቆናጠጠ ጀምሮ ኢትዮጵያ ታሪኳን እና ክብሯን የሚመጥን እንዲሁም ተለዋዋጭ እና ውስብስብ የዓለም አቀፍ ፖለቲካዊ እንቅስቃሴና ነባራዊ ሁኔታዎችን ነቅቶ የሚከታተል፥ ለኢትዮጵያ ህዝቧ ሁሌም በተጠንቀቅ የሚቆምና የሚሟገት የሠለጠነ ባለሙያ ለአምባሳደርነት በቅቶ አያውቅም፤ አምባሳደርነት ከነ አክሊሉ ሃብተወልድ ጋር ወደ መቃብር ከወረደ ሰንበትበት ብሏል…።

የንጹሀን ግድያ፣መፈናቀልና እልቂትም ሊነጋ ሲል ይጨልማል ሆኖ ነው ለብልጽግና ጊዜ ይሰጠው፤ ልዩልዩ የአገልግሎት ቦታዎች በሚመጥነው ባለሙያ እየተተኩ( The Right Person on the right Position) ስራናሰራተኛ እየተገናኘ፣ተቋማዊ ሪፎርም እየተደረገ ሀገራችንም ህዝባችንም የለውጥ አመራር ተቋዳሽ ይሆናል ብለን ተስፋ ስናደርግ፤ ጭራሽ ከወያኔው ዘመን ብሶ አረፈው?!ይቺ ባቄላ ካደረች አትቆረጠምም ከማለት ውጭ ምን እንላለን….!!!