ቆም ብላችሁ አስተውሉ በተለይም ብዙ የማከብራችሁ ኢትዮጵያውያን ወገኖች:: እንዴት በ 4ኛውም አመት አንድ አይነት ስህተት እንሰራለን? እንደምንስ ወያኔ ዛሬም በስሜታችን ይጫወታል? እንደምንስ የነ ጄ/አበባውን የቀጥታ ቃለመጠይቅ ለተከታተለ እውነቱን መረዳት አቃተን?? 45000 ጦር እኮ ነው ሺንት እየጠጡ ከ 300000 የፅልመት እስካፍንጫው ከታጠቀ የጥፋት ሀይል ጋር የተላተሙት:: ሃሎ? ይሰማል ወገኖች? ዛሬ ጄኔራሉ ይፋ ስላወጡት እንጅ አደባባይ ይህን መፃፉ እራሱ ብርክ ያሲዛል:: በበኩሌ ይህን ከሰማሁ በሁዋላ እንኩዋንስ መከላከያንና አቢይን ላንጉዋጥጥ ቀርቶ በቅጡም መተኛቱ ተስኖኛል:: እነ ጌታቸው ረዳ በጤናም አልነበረም ሸዋሮቢት ድረስ በረው የመጡልን አፍረው ተሰብረው ፈረጠጡ እንጅ:: ከሱዳን አቅም እንኳ ለምን እንደተዳፈሩን ከአበባው ገለፃ በሁዋላ ለኔ ግልፅ ሆኗል – ለብዙዎቻችሁ እንደምን ይህ ግልፅ እንዳልሆነ ያማል:: እንዴት አቢይ ሆኑ አበባው: ብርሃኑ ሆኑ ባጫ አቃቂር ይወጣላቸዋል? አገርን ስለታደጉ? ጭራሽ በአፋርና አማራ ክህደት በግላጭ ሊታሙ? ከማልጠብቃቸው ሰዎች? በግልፅ እናፍርጠው እስቲ: አቢይን ሸኔ ወይም ዖነግ ነው ለማለት: አማራና አፋርን ከዳ ለማለት ወይም በዳርዳርታው ለመፎተት ፈጣሪ ይወደዋል? ከዚህ መድረክ ጠፍቼ ነበርአካሄዳችን በጣም ስለሚያም:: ሆኖም አንድ ወገን የሸዋን ዖሮሞ ክእንቅልፍ የሚያባንን ነገር ፅፈው አባነውኝ : እኔውም ስሜታዊ ሆኜ ከፃፍኩ በሁዋላ ፀፀተኝና ተውኩት እንጅ::
ውድ ወገኖች!!
ወገን የተባለው ሁሉ አጀንዳ እንደቀለብ ተሰፍሮለት ሲባላ ሰዎቹ ልዩ መጅሊስና ሲኖዶስ እየፈጠሩልን ነው:: ገና በኛው ንዝህላልነት ብዙ ጉድ እንሰማለን:: ይህ “እኛ ለየት ያልን ህዝቦች ነን” መዘዝ የእርያንን ነገድ አመድ እንዳደረጋቸው በእብሪት ያበጠው ቀፈታቸው ገና የተረዳው አይመስልም:: ጊዜውን ጠብቆ መፈንዳቱ ግን አይቀሬ ነው:: የሰሞኑ በከንቲባዋና ሲኖዶሱ መሃል የነበረውን ፈጣሪ ምስጋና ይግባውና ክብርት አዳነች በብልሃት ይዘውታልና ብዙ መናገር አልፈልግም:: እኚህን ብርቱ እህት/ልጅ ቢቻል በሞራል ካልሆነም በፀሎት ማገዝ እንጅ ያልሆነ ስም እየሰጡ መበሻሸቅ አገር አያሻግርም:: የለየላቸው ከሃዲዎችን ሳይሆን ስሜታቸው የተነካውን አገር ወዳድ ወገኖችን ነው እየለመንኩ ያለሁት::
ወገኖች : እንድተጠነሰስልን ጥንስስ ቢሆን የሩዋንዳው ቻይልድ ፕሌይ ነበር የሚሆነው እኮ በአገራችን:: ከዚህ መአት የተረፍነው የተጋመድንበቱ የሺህ አመታት መጫኛ እጅግ ጥብቅ በመሆኑ ብቻ ነው!!
ምን እናድርግ?
ሀ) እስቲ የሚሰሩትን ከመውቀስ መፆም:: ቢቻል ማበረታታት : ካጠፉ ከመሰለን ከነቀፌታው መፍትሄ ያልናቸውን አደባባይ ማስጣት:: ግድየላችሁም እነ ቢለኔ ስዩም እየቀመሩ አቢይ ዴስክ ያደርሳሉ:: በስድብና ዛቻ የምትተዳደሩትን ጡረተኞች አይመለከትም
ለ) እርዳታውን በደንብ ወርሃዊ አድርጎ ማሳለጥ:: እንኳንስ እኛ በቁጥር የታደልነው ከኤርትራውያንና ዋናዋ ሱማሌ ወገኖች ብዙ መማማር ይቻላል:: ባለፈው በአይዞን ከ 30ሺ በማይበልጡ ወገኖች ያ ሁሉ ሚሊዮን መሰብሰቡ ተስፋ ሰጪና የማንም ፈረንጅ ተመፅዋች ሆንን እንደማንቀር አመልካች ነው:: ታድያ የፅልመት ጆሮ ይደፈንና የሆነ ችግር ሰምቻለሁ በዚህ አካውንት – ታሪኩ ይቆየንና
ሐ) አገሪቱ የተደቀነባትን አደጋ ከልብ መረዳት:: በገንዘብ፣ ፀሎትና ዱአ በኑሮ ውድነት የሚሰቃየውን ወገን ማሰብ:: ብዙ መረዳዳት ይቻላል ወገኖች ከልብ ከተፈለገ::
መ) በዖሮሚያ እየሆነ ያለው አንገት አስደፊ ክስተት መቆም አለበት:: የሚቆመው ደግሞ በጎሳ መደጋገፍ ወይም ጏደኝነት መተሳሰብ ላይ በተመሰረተ አመራር ሳይሆን በብቃትና ቆራጥነት ላይ መቆም ይገባዋል እላለሁ:: ለዚህም እጩ አለኝ:: አዳነች አቤቤ ዖሮሚያን ቢመሩ ለውጥ ይመጣል:: የጠቅላይ አቃቤን ቤት ነፍስ የዘራችበት አዳነች ዖሮሚያን ልክ ታገባለች ባይ ነኝ:: እባካችሁ ይህን አቢይ ጆሮ አድርሱልኝ:: ኦቦ ሺመልስ ምን መልካም ቢሆን ያለውን ችግር ለመጋፈጥ ምን እንደያዘውና ምን እንደተፈለገ ግራ ገብቶኛል:: በንዲህ አይነት ጉዞ እንደምን ለውጥ ይመጣል? ሰላምስ ከሌለ ምንስ ትርፍ አለው ? ለምንስ ከፍ ያለ ትኩረት አይሰጥም? በቃ! እነ ኦቦ ቀጄላ መርዳሳና ኢብሳ ነገዎም ምነው ዝም አላችሁ? ተረዳዱ እንጅ:: እስከመቼ የንፁሃን ደም በኢትዮጵያ ምድር ይፈሳል? ይብቃን ::
ሠ) ማን አዳነችን ይተካ ለከንቲባነት? በኔ አተያይ አለችን በእሳት የተፈተነች ሌላዋ ቆፍጣና አንደበተ ሸጋና ስማርት ዳኛ ብርቱ ሚ’ደቅሣ!!! የፈረንሳይ ልጅ የሸገር ትክል አንበሲት:: ስራዋና ባህሪዋ ይመስክር:: የሷን ምክትል ወጣት ሌላዋን ሶሊያና (ባልሳሳት)ጀግና ቦታዋ ተክቶ ቡርቴን ቶሎ ማምጣት ወደ ማዘጋጃ:: ይህው ነው::
ረ) የአቢቹን ብረሰልስ ጉዞ አስመልክቶ በዚያ ያላችሁ አገር ወዳዶች ለአርብ የኢትዮጵያ ድጋፍ ስልፍ ያቀዳችሁ እንዲህ ነው ወገን ማለት::ስሜታችሁን ሳይሆን ኢትዮጵያን እያስባችሁ ይሁን:: በአንፃሩ ኢትዮጵያን ለማዋረድ ከነአሉላ ሰለሞን ቡራኬ ተቀብላችሁ ያውም ኢትዮጵያን የሚጎዳ የአሜሪካንን ህግ ለመደገፍ ላይ ታች የምትሉ እናት ኢትዮጵያን የከዳችሁ ከሀዲያን ያውም በ 11ኛው ሰአት ላይ ፈጣሪ ይፍረደው:: ለፖለቲካ ዓላማ ልትሉን ነው? እነ አሉላስ ለጌቶቻቸው ነው ሌሎች ወገኖችን ማለቴ ነው::
በመጨረሻም!
በዚህ ልሰናበት:: ይህ የፈተና ጊዜ ያልፋል:: ከጥንት ጀምሮ ኢትዮጵያ ፈጣሪዋንና ህዝቧን ብቻ ተማምና እስካሁን ቆይታለች:: ወደፊትም እንዲሁ ትቀጥላለች:: እየሞትንም ትሻገራለች ይቺ ጉደኛ አገር:: ይብላኝ እናጠፋታለን እያላችሁ በቁም እየከሰማችሁ ላላችሁ የኢትዮጵያ ሁሉ ምቀኞች::ብዛታችሁ ላይጣል ቢሆንም አታሽንፉም:: ለምን? ሀቁ እናንተ ዘንድ አይደለምና! ይህው ነው!!!
ሰላም ሁኑ!!
