ሀገሬን ከስራ ስመለስ አጣኋት ” ከሚል መራር ወግ ይሰውረን

እስክንድር ከበደ

አትሌት ሀይሌ ገብረሰላሴ በዓለም አቀፍ የሩጫ መድረክ ደጋግሞ በማሸነፍ የኢትዮጵያ ህዝብ መዝሙር ያዘፍናል፡፡ አንድ ቀን የኬኒያው አትሌት ፖል ቴርጋት አንደኛ ወጣ፡፡ ፖል ቴርጋት የኢትዮጵያን ህዝብ መዝሙር ይዘምር ጀመር፡፡ ( ይህ የተጋነነ ቀልድ ሊሆን ይችላል) አትሌት ኃይሌ ገብረስላሴ የኢትዮጵያ የማሸነፍ ምልክት ነው፡፡ አንድ ሀገር ሄዳችሁ ከየት እንደመጣችሁ ቢጠይቋችሁ፤ ከኃይሌ ገብረስላሴ ሀገር እንደመጣችሁ ከተናገራችሁ ወዲያው የሚረዷችሁ ብዙ ናቸው፡፡ ኃይሌ ገብረስላሴ በዓለም አቀፍ መድረክ ኢትዮጵያን ወክሎ ብዙ ሜዳሊያዎች ወስዷል፡፡ የወርቅ ሜዳሊያዎቹ ተራ አሸብራቂ ጌጦች አይደሉም ፡፡ ስለኢትዮጵያ ያገኛቸው ውድ ክብሮች ናቸው፡፡ ከፊት ቆሞ የበርካታ ሀገራት አትሌቶች ከኋላው አስከትሎ የኢትዮጵያን ህዝብ መዝሙርና ባንዲራን አስጠንቷል።